Әскери сауыт (дулыға, шынжырлы сауыт берен қару-жарақ), ат әбзелдерін және т. б. жасауға біліктенген атақты шебер. Қолөнер өнерін белгілі қазақстандық шебер, ғалым-этнограф Даркембай Шоқпарұлынан үйренген. Шебердің бұйымдары Қазақстан мұражайларында және жеке топтамаларда сақтаулы. Аудандық, қалалық, облыстық және республикалық көрмелерге, жәрмеңкелерге, байқауларға белсенді қатысады. Қазақстан қолөнершілерінің IV Республикалық «Шебер» байқауының финалисті (2012); «Шығыс кәдесыйы» – 2015 (Өскемен қ.) облыстық қолөнер бұйымдары байқауында Гран-при номинациясының жеңімпазы.